احترت و احتار دليلى معايا
بين المراد و بين المفروض
بحور و عواصف ,جزر و جسور
جوايا حاجه بتشدنى لسفر و الترحال
براياه صوت بيهزنى و يقولى رايح فين؟
صوت الريح بيندهلى و ينادى عليا
ضوء الشمس بينور ليا الف طريق ما تمشيش
بس الشمعه على شباك بيتنا بتفكرنى بمكانى
الشمعه بتربطنى فى مكانى
كل عصفورة بتيجى تحكى لى حكاية
كل عصفورة بتقول لى ان ممكن يكون ليا الف و مليون حكايه
و انا كل ما انوى امشى ,كل ما انوى ارحل
تنادينى الشمعه و تكلمنى عن ليليها الطويله الوحيده
ليليها فى ظل الشتا و تقولى خليك هنا جنبى
نفسك يدفينى و قربك يطمنى و يخليني
و انا اقول حاضر و حط شنطتي و الغى المساءله
بس هما يومين و اسمع صوت البحر بيقول واقف ليه بتتفرج ؟
واقف ليه بتفرج و انت اتولدت بحار
واقف ليه بتفرج افرد الشراع
افرده يلا و حتلقى بدل المينا عشره و عشرين
و بدل الريح حتلقى عواصف و اعاصير
و انا عينى تزقزق فرحه و ارجع و انا ناوى امسك الدفه
لغاية ما اشوف الشمعه فلركن وحيدة ,فلركن حزينه
و ارجع اقول اقعد معها انهارده و ابحر بكره
بقى عندى 91 سنه و لسه بقول بكره حبحر
الشمعه خلصت و انا بقيت من غير حكاوى من غير حواديت
ما ملكش غير انتظار الصباح
لما العصفورة تيجى و تحكى لى عن بلاد بعيدة
بلاد ما شفتهاش لكن عرفتها ,عرفتها من الاحلام
عرفتها من لاحلام و حفظتها من الحواديت
و يا رتنى كنت رحت
و يا رتنى كنت بحرت
يمكن كنت وصلت
skip to main |
skip to sidebar
we run as crazzy people and say that the world is crazzy in fact we are right cause waht is the world except a bunch of people ?!
hello everybody the ones i know and the ones i dont
welcome to my mind
welcome to my heart
all i could share with you is thoughts so
read and give me what i could read
thanks in advence
1 comment:
hi basma
thats blog is good and i want 2 say thats good 2 have aroot in our life but we dont must 2 still without moving we must 2 go search discover,found,try,,,,,,
thats make ataste 2 our life and help us 2 have agood experience with life.
Ghaly
Post a Comment